Bo tabata sa ku turtuganan di laman ta landa den e laman ku ta rondoná Boneiru? I no ta solamente un sorto.
Nos tin tres sorto di turtuga di laman ku ta gusta den nos awanan. Si bo wak bon, bo por mira e diferensianan.
 |
Un mucha hòmber ta yuda kuida un turtuga blanku |
 |
 |
 |
Turtuganan Karèt tin un kara puntá. I si bo wak e parti pafó di e kaska, parti patras di e turtuga, lo bo mira mas punta. |
Turtuganan Blanku tin kara rondó. I parti patras di nan kaska lo bo mira ku e rant di e kaska no tin puntanan. E rant ta mas suave; lizu. |
Turtuganan Kawama tin kabes hopi grandi. Hopi bia nan kaska ta parsialmente tapá ku zepòk òf lima. |
Bo por hasi algu importante pa yuda kuida turtuganan di laman!
Semper hisa tur sushi i pon’é den ko’i sushi. Saku di plèstik ku ta drif riba laman, parse lèbèlèbè di awa. Turtuga di laman gusta kome lèbèlèbè di awa! I nan lo faya i kome saku di plèstik, keriendo ku ta un dushi lèbèlèbè di awa. Pero plèstik ta hasi turtuganan di laman bira hopi malu. Pues pone sushi na unda e mester ta – den un ko’i sushi – pa nunka e por bula bai den laman.
 |
 |
 |
Turtuga di laman komiendo un lèbèlèbè di awa |
Saku di plèstik i lèbèlèbè di awa |
Turtuga ku saku di plèstik |
